Layihə Avropa İttifaqı tərəfindən maliyyələşdirilən “Vətəndaş cəmiyyətinin iştirakı və inklüziv təhsilin tətbiqi vasitəsilə Azərbaycanda təhsil sisteminin müasirləşdirilməsi” proqramı çərçivəsində həyata keçirilir.

Layihənin ümumi məqsədi “Azərbaycanın seçilmiş regionlarında əhatəli təhsil sistemi üçün müəllimlərin tədris imkanlarının və idarəetmənin, habelə pedaqoji resursların və siyasətin təkmilləşdirilməsi”ndən ibarətdir. Layihə Bakı, Şəki, Ağcabədi, Quba, Şamaxı və Cəlilabad bölgələrində icra edilir.

Layihədən orta ümumtəhsil məktəblərində çalışan 1000-dən artıq ibtidai sinif müəllimi, 400 universitet müəllimi, eləcə də pedoqoji universitetlərdə təhsil alan 2000-dən artıq tələbə və 250 məktəb direktoru faydalanacaqdır.

- Müəllim hazırlığı kurrikulumunun, dərsliklərin, kurs və tədris materiallarının təkmilləşdirilməsi və modernləşdirilməsi;
- İbtidai sinif müəllimləri və əlilliyi olan uşaqlara dəstək olan digər mütəxəssislərin bilik və bacarıqlarının təkmilləşdirilməsi;
- İbtidai sinif müəllimləri və digər yardımçı heyət üçün resurs mövcudluğunun təmin edilməsi;
- Əhatəli təhsil sistemi üçün münbit şəraitin yaradılması, normativ baza və siyasətin təkmilləşdirilməsi.

- Müəllim hazırlığı kurikulumu, dərsliklər, kurslar və tədris materialları hazırlanıb və müasirləşdirilib;
- Təhsildə xüsusi ehtiyacları/əlilliyi olan uşaqlara dəstək vermək məqsədilə ibtidai təhsil müəllimlərinin və digər mütəxəssislərin bacarıq və bilikləri təkmilləşdirilib;
- İbtidai təhsil müəllimləri və digər köməkçi heyət üçün resurs mövcudluğu təmin edilib;
- Əhatəli təhsil sistemi üçün əlverişli mühit, qanunvericilik bazası və proqramlar təkmilləşdirilib.