EU Project page - EU for Azerbaijan

COVCHEG: Azərbaycanda Böyük Qafqaz Dağları Ərazisində İcma Əsaslı Dəyər Zəncirinin Genişləndirilməsi

Təsvir

Slow Food International-ın Azərbaycan Turizm Bürosu ilə birgə həyata keçirdiyi "COVCHEG – Azərbaycanda Böyük Qafqaz Dağları Ərazisində İcma Əsaslı Dəyər Zəncirinin Genişləndirilməsi" layihəsi Slow Food International tərəfindən hazırlanmış alətlər vasitəsilə yerli biomüxtəlifliyin qorunmasına, həmçinin kənd icmalarının iqtisadi durumunun bərpası və rifahının artırılmasına yönəldilmişdir.

Dad Gəmisi (Ark of Taste) komponenti dünya miqyasında yerli biomüxtəliflik elementlərini təbliğ edir, Prezidiya (Presidia) komponenti fermerləri qida cəmiyyəti yaratmaq üçün bir araya toplayır və istehsal keyfiyyətini artırmaq üçün istehsal protokolları yaradır. Digər bir tərəfdən, Slou Fud Səyahət (Slow Food Travel), Torpaqdan Bazara (Earth Markets) və Aşpazlar Alyansı (Cooks' Alliance) komponentləri alternativ qazanc imkanları yaradaraq yerli məhsulların daha da tanıdılmasına və marketinqinə kömək edir. Nəhayət, Təhsil (Education) komponenti fərqindəliyi artırır və gənc nəslə yerli biomüxtəlifliyin əhəmiyyətini öyrədir.

Konkret məqsədi

- Kiçik fermerlərinin gəlirlərinin artırılması üçün davamlı yerli ərzaq zəncirinin gücləndirilməsi;
- Daha möhkəm kənd icmaları üçün əlavə gəlir mənbəyi kimi kənd turizminin təbliği;
- Kənd icmaları və yerli ərzaq sistemləri arasında əlaqələrin inkişaf etdirilməsi.