Layihənin ümumi məqsədi çirkli pulların yuyulması, terrorizmin maliyyələşdirilməsinin qarşısının alınması və onlara qarşı mübarizə aparılması, cinayət yolu ilə əldə olunmuş gəlirlərin geri qaytarılması sahəsində dövlət orqanlarının potensialının artırılmasına yönələn institusional islahatların həyata keçirilməsi yolu ilə demokratiyaya və qanunun aliliyinə dəstək olmaqdır. Layihə fəaliyyətləri aşağıdakı üç sahəyə yönələcəkdir: 1) iqtisadi cinayətlərə qarşı mübarizə aparılması və onların qarşısının alınması sahəsində institusional potensialın gücləndirilməsi; 2) çirkli pulların yuyulması, terrorizmin maliyyələşdirilməsi və digər növ iqtisadi cinayətlərin araşdırılması və təqib edilməsi, habelə cinayət yolu ilə əldə edilmiş gəlirlərin üzərinə həbs qoyulması, müsadirə edilməsi və geri qaytarılması sahəsində hüquq-mühafizə və məhkəmə orqanlarının potensialının gücləndirilməsi; 3) çirkli pulların yuyulması, terrorizmin maliyyələşdirilməsinə qarşı vahid mübarizə siyasətinin hazırlanması və risk qiymətləndirilməsinin həyata keçirilməsi üçün gələcək prioritet sahələrin müəyyənləşdirilməsinə dəstək göstərilməsi.

Layihənin ümumi məqsədi Avropa və beynəlxalq standartlara uyğun olaraq çirkli pulların yuyulması və terrorizmin maliyyələşdirilməsinin qarşısının alınması və onlara qarşı mübarizə aparılması, eyni zamanda cinayət yolu ilə əldə olunmuş gəlirlərin geri qaytarılması sahəsində Azərbaycanın dövlət orqanlarının potensialının artırılmasına yönələn institusional islahatların həyata keçirilməsi yolu ilə demokratiyaya və qanunun aliliyinə dəstək olmaqdır.

- Çirkli pulların yuyulması və terrorizmin maliyyələşdirilməsinə qarşı mübarizə sahəsində Azərbaycan institutlarının strateji və əməli potensialının artırılması;
- Cinayət yolu ilə əldə olunmuş gəlirlərin geri qaytarılması üzrə hüquqi və institusional bazanın yaradılması.