EU Project page - EU for Azerbaijan

"Azərbaycanda ali təhsil sisteminin gücləndirilməsinə dəstək" Tvinninq layihəsi

Təsvir

Layihənin əsas məqsədi Azərbaycanın ali təhsil sistemini xüsusi bacarıqlara əsaslanan təhsil yanaşmasına uyğunlaşdırmaqla daha da inkişaf etdirməkdir. Layihənin digər məqsədlərinə eləcə də Təhsil Nazirliyi, ali təhsil müəssisələri və Təhsildə Keyfiyyət Təminatı Agentliyi tərəfindən Avropa Ali Təhsil Məkanının prinsiplərinin, mexanizmlərinin, alətlərinin və siyasətlərinin davamlı tətbiqi sahəsində potensialının artırılması və tələbəyönümlü sistemə keçidin dəstəklənməsi məqsədi ilə davamlı icra və tətbiq prosesinin təmin edilməsi daxildir.

Konkret məqsədi

- Bolonya prosesinin icrası istiqamətində əldə edilmiş irəliləyişin müsbət qiymətləndirilməsi;
- Təhsil Nazirliyi, ali təhsil müəssisələri və Təhsildə Keyfiyyət Təminatı Agentliyinin Avropa Ali Təhsil Məkanının prinsipləri, mexanizmləri, alətləri və siyasətləri, eləcə də tələbəyönümlü yanaşma konsepsiyası sahəsində təlimləndirilməsi;
- Xüsusi bacarıqlara hesablanmış təhsil yanaşmasının qabaqcıl Avropa təcrübəsinə uyğun olaraq tətbiqi sahəsində proseslərin və metodologiyaların benefisar ölkənin konktekstinə uyğun olaraq hazırlanması və sınaqdan keçirilməsi;
- Təhsildə Keyfiyyət Təminatı Agentliyinin öz fəaliyyətini Avropa Ali Təhsil Məkanında Keyfiyyət Təminatı üzrə Standartlar və Təlimatlara uyğun qurmasının təmin edilməsi üçün Agentliyin bu sahədə potensialının artırılması.

Gözlənilən nəticələr

Layihə çərçivəsində seçilmiş Milli Təhsil Standartlarının səlahiyyətlərə əsaslanan yanaşmanı əks etdirməsi məqsədilə yenidən hazırlanması;
- Prioritet sektorlar üzrə pilot təhsil proqramlarının tələbələrə əsaslanan yanaşmanı əks etdirməsi məqsədilə yaxşılaşdırılması;
- Təhsil proqramlarının tələbələrə əsaslanan yanaşmanı əks etdirməsi məqsədilə keyfiyyət təminatı sisteminin daha da təkmilləşdirilməsi;
- Hüquqi-normativ bazaya düzəlişlərə dair tövsiyələrin verilməsi.