Aİ-nin maliyyələşdirdiyi “Ələtdə yerləşən yeni Bakı Limanı və Azad Ticarət Zonasının əməliyyat potensialının gücləndirilməsinə dəstək" texniki yardım layihəsinin məqsədi Avrasiyanın mərkəzində beynəlxalq səviyyəli limanın və logistika mərkəzinin yaradılması vasitəsilə Azərbaycan iqtisadiyyatının dayanıqlı inkişafına və diversifikasiyasına töhfə verməklə Bakı Limanina dəstəyin göstərilməsidir.
Bakı Limanının bütün əməliyyatlarının Ələtdəki yeni liman obyektlərinə yenidən yerləşdirilməsi əməliyyat və idarəetmə fəaliyyətləri ilə əlaqəli bir sıra sahələrdə aparıcı təcrübə tələb edir, məs., Azad Ticarət Zonası (ATZ) funksiyaları və İKT sistemləri; Beynəlxalq sərhədlərarası ticarət və ictimaiyyətin məlumatlandırılması ilə əlaqəli İR idarəetməsi və ticari aspektləri.

Layihənin ümumi məqsədi Bakı limanının əlverişli Azad Ticarət Zonası vasitəsilə beynəlxalq logistika və ticarət mərkəzinə çevrilməsi istiqamətində Azərbaycan hökumətini dəstəkləməkdir.
Layihənin iki əsas məqsədi vardır:
- Bakı limanına tam gücü ilə fəaliyyət göstərməsi üçün yardım etmək;
- Regional və beynəlxalq ticarətin asanlaşdırılması və inkişafı üçün Bakı limanının Azad Ticarət Zonası ilə bağlı funksiyalarını gücləndirmək.

- Limana dair Əməliyyat və İdarəetmə fəaliyyətlərinin gücləndirilməsi;
- Bakı Limanının Azad Ticarət Zonası ilə bağlı funksiyalarının gücləndirilməsi və beynəlxalq ticarətə aid kommersiya aspektlərinin dəmiryolu şəbəkəsi kimi yeni logistik imkanlara uyğun olaraq asanlaşdırılması;
- Liman və Azad Ticarət Zonasına aid İKT sistemlərinin yenilənməsi və müvafiq statistik məlumatlar hazırlanmasına dair hesabat və tövsiyələrin təqdim edilməsi;
- İnsan Resurslarının İdarəetmə sistemi və Limanın ictimaiyyətlə əlaqələr sahəsində funksiyalarının gücləndirilməsi.