Layihə Qlobal Əhəmiyyətli Kənd Təsərrüfatı İrsi Sistemləri (GİAHS) vasitəsilə yerli ərzaq irsini təşviq edəcək inklüziv aqro-ərzaq sistemlərini dəstəkləməklə, Azərbaycanın şimal-qərb regionunda yerləşən kənd yerlərində həyat səviyyəsinin yaxşılaşdırılmasına, həmçinin, ayrı-ayrı ərzaq məhsulları üçün inklüziv və səmərəli dəyər zəncirlərinin inkişaf etdirilməsinə öz töhfəsini verəcəkdir. Eyni zamanda, Layihə, kiçik kənd fermerləri üçün bölgədə (həm dövlət, həm özəl) əlçatan və münasib icma əsaslı konsultasiya və məlumat xidmətlərini təşviq edəcəkdir. Əsas üstünlük kənd təsərrüfatı ərzaq irsinə, yerli brendlərə, keyfiyyət nişanlarına və biomüxtəliflik resursları ətrafında bazar təşəbbüslərinin inkişaf etdirilməsinə verilir. Əsas diqqət milli mətbəx kampaniyalarına, qadınların və kənd yerlərində yaşayan gənclərin yerli kənd təsərrüfatı və ərzaq sistemlərinə cəlb olunması yolunda ehtiyaclarının qarşılanmasına yönəldilib. Layihə yerli istehsal təsərrüfatlarının unikal xüsusiyyətlərinə və kənd turizmi imkanları üçün cəlbediciliyə əsaslanaraq seçilmiş pilot regionlarda yerli kənd təsərrüfatı və ərzaq istehsalçılarına məqsədyönlü dəstək göstərəcəkdir. Bu, gələcəkdə inklüziv və səmərəli dəyər zəncirinin yaradılması üçün biznes mühitini gücləndirəcək və kənd təsərrüfatı irsi sistemlərinin əhəmiyyətinin milli səviyyədə tanınmasını yüksəldəcəkdir.

Kiçik kənd təsərrüfatı sahiblərini dəstəkləyən səmərəli və inklüziv aqro-ərzaq sistemlərinin inkişaf etdirilməsi və Azərbaycanın şimal-qərb regionunda yoxsulluğun aradan qaldırılmasına töhfə verilməsi.

- Seçilmiş yerli aqro-ərzaq məhsulları üçün yerli inklüziv və səmərəli kənd təsərrüfatı və ərzaq sistemi modellərinin yaradılması;
- Gücləndirilmiş istehsalçı-alıcı əlaqələri vasitəsilə onlar üçün bazara çıxış imkanlarının yaxşılaşdırılması və regionda aqro-ərzaq turizm potensialının genişləndirilməsinə;
- Hədəf regionun Qlobal Əhəmiyyətli Kənd Təsərrüfatı İrsi Sistemi (GİAHS) kimi tanınması;
- Aqro-ərzaq sistemləri üçün icma əsaslı yerli məsləhət xidmətləri modelinin yaradılmasını və seçilmiş icmalarda onların pilot layihə kimi sınaqdan keçirilməsi.