Şərq Tərəfdaşlığı üzrə Avropa Məktəbi tərəfdaş ölkələrdən olan şagirdlərə keyfiyyətli təhsil təklif etmək, imkanları artırmaq, əməkdaşlığı və fundamental dəyərləri təşviq etmək və Aİ haqqında daha yaxşı təsəvvürün formalaşmasını təşviq etmək məqsədi daşıyır. Cari ilkin pilot mərhələdə layihə Tbilisidəki mövcud məktəblə tərəfdaşlıq qurur və altı Şərq Tərəfdaşlığı ölkəsindən olan tələbələrə əsasən Avropaşünaslıq ixtisası üzrə Beynəlxalq Bakalavr Diplom Proqramı üçün təqaüd təklif edir.

Layihənin ümumilikdə məqsədi Şərq Qonşuluğu regionunda yüksək keyfiyyətli beynəlxalq təhsili təşviq etməkdir.

Layihənin xüsusi məqsədi Gürcüstanın Tbilisi şəhərində yerləşən və Aİ-nin bütün altı Şərq Qonşuluğu ölkələsindən olan şagirdlərin təhsil ala biləcəyi Beynəlxalq Bakalavr Partnyor Məktəbi vasitəsilə təhsildəki göstəricilərinə əsaslanan Avropaşünaslıq ixtisası üzrə Beynəlxalq Bakalavr Diplom Təqaüd Proqramının icrasına başlamaqdır.

Cari ilkin pilot mərhələdə nəzərdə tutulmuş fəaliyyətlər bunlardır:
- Gürcüstan hökumətinin razılığı əsasında Tbilisidə yerləşən beynəlxalq məktəb (the New School, Georgia) ilə tərəfdaşlığın qurulması.
- Avropaşünaslıq ixtisasının xüsusi elementlərini daxil etmək üçün Beynəlxalq Bakalavr üzrə tədris planının uyğunlaşdırılması. Uyğunlaşmaya Beynəlxalq Bakalavr Şurası rəhbərlik edəcək və Avropa Məktəblərinin Baş Katibi (EURSC) tərəfindən dəstəklənəcək.
- İldə 30-a qədər yeni şagirdə bütün icra mərhələsi üçün təqaüd proqramının hazırlanması və idarə edilməsi.
- İxtisaslaşdırılmış tədris proqramının təqdim edilməsinə hazırlığı təmin etmək üçün müəllimlərin hazırlanması.
- Viza dəstəyinin təmin edilməsi, şagirdlərin yerdəyişməsinin və təhlükəsizliyinin dəstəklənməsi.
- Layihənin ikinci mərhələsi üçün texniki-iqtisadi əsaslandırma, burada əməliyyatların tamamilə Avropa Məktəblərinin tədris planına əsaslanan yeni tikilmiş məktəbə köçürülməsi gözlənilir.