Çoxkomponentli EU4Dialogue Proqramı Cənubi Qafqazda və Moldova Respublikasında ayıran xətlər boyunca dialoq mühitini və insanlararası təmasları təşviq edən təşəbbüsləri dəstəkləyir.

Layihənin məqsədi təhsil və mədəniyyət vasitəsilə ayıran xəttin hər iki tərəfində mübadilələri təkmilləşdirməkdir. Belçika, Fransa, Almaniya, İrlandiya, Latviya və Polşadan olan cəmi yeddi konsorsium tərəfdaşı ilə birqə ümumilikdə dörd iş paketi çərçivəsində qısa, orta və uzunmüddətli bir sıra tədbirlər həyata keçirilir.

Məktəblər, ali təhsil və mədəniyyət sahələrində şagird və tələbələrin Avropa İttifaqı (Aİ) ölkələrinə təhsil səfərləri, müəllimlər üçün onlayn dil kursları, yay məktəbləri, qonaq mühazirələr, rəssam rezidenturaları və eləcədə mədəni idarəetmə, pedaqogika, mədəni irs, teatr və kino üzrə təlim kursları kimi tətbirlər planlaşdırılıb.

- Münaqişədən təsirlənmiş ərazilərdəki məktəb və universitetlərdən olan dil müəllimləri və professorlarının potensialını gücləndirmək və onların Aİ həmkarları ilə bilik mübadiləsini asanlaşdırmaq.

- Münaqişədən təsirlənmiş ərazilərdən olan tələbələr üçün Aİ-yə təhsil səfərləri təşkil etmək.

- Təhsil və mədəniyyət sahələrində çalışan peşəkarlara təcrübəni ötürülmək.

- Hədəf bölgələrdə mədəni irs üzrə əməkdaşlıq layihələrinə dəstək vermək.

- Ayıran xəttin hər iki tərəfində dialoqun təşviqçisi kimi Aİ-nin rolunun genişləndirilməsi.

- Münaqişənin təsirinə məruz qalan ərazilərdə gənclərin fəal iştirakı və orta təhsilin rolunun gücləndirilməsi.

- Hədəf bölgələrdə və eləcədə bölgələr ilə Aİ arasında dialoq üçün ali təhsildən istifadənin təkmilləşdirilməsi.

- Etimadın möhkəmləndirilməsi tədbirləri üçün mədəni irs obyektlərindən və mədəni məkanlardan istifadənin artırılması.

- İnsanlararası əlaqələrin artması ilə tərəflər arasında dialoqun təkmilləşdirilməsi.