Çoxkomponentli EU4Dialogue (Dialoq üçün Avropa) Proqramı, Cənubi Qafqazda və Moldova Respublikasında müxtəlif qruplar arasında dialoq mühitini və insanlarla təmasları təşviq edən təşəbbüsləri dəstəkləyir. Proqram, məcburi köçkünlər də daxil olmaqla ən həssas qruplara xüsusi diqqət yetirməklə insanların gündəlik həyatlarının keyfiyyətini yaxşılaşdıraraq münaqişədən təsirlənən əhaliyə əl uzatmağı nəzərdə tutur. Bu yolla, Avropa İttifaqı heç kəsin kənarda qalmamasına və lazımi dəstəklə təmin olunmasına çalışır.

"EU4Dialogue: Cənubi Qafqazda və Moldova Respublikasında Münaqişələrin Transformasiyasına Dəstək" layihəsi, münaqişədən təsirlənmiş icmalar üçün sosial-iqtisadi şərtləri və insan təhlükəsizliyini yaxşılaşdıraraq münaqişənin müsbət istiqamətdə dəyişməsi üçün davamlı zəmin yaratmağı hədəfləyir.

- Yerli təşəbbüs qruplarının layihələrini dəstəkləyərək münaqişədən təsirlənən icmalarda qadınlar, kişilər və gənclər üçün sosial-iqtisadi inkişafı və insan təhlükəsizliyini yaxşılaşdırmaq;
- İcma əsaslı dayanıqlı təşəbbüslərə şərait yaradaraq münaqişədən təsirlənən icmalardakı yerli təşkilatların proqram və fəaliyyət imkanlarının artırılması istiqamətində çalışmaq;
- İnsanların gündəlik həyatlarının keyfiyyətini yaxşılaşdırmaqla, "heç kəsi kənarda qoymamaq" amalına uyğun olaraq, ən həssas qruplara, o cümlədən münaqişə nəticəsində köçkün düşmüş şəxslərə xüsusi diqqət yetirməklə münaqişədən təsirlənən əhaliyə əl uzatmaq;
- Təmas xətti ilə ayrılan əhalinin oxşar praktiki problemlərinin həlli üzərində işləmək.

- Bölünmə xətlərinin hər iki tərəfində olan qadın və kişilərə ünvanlanan, etimad tədbirlərini dəstəkləmək məqsədilə kiçik miqyaslı yerli təşəbbüslər üçün qrant proqramının icrası;
- Yerli təşəbbüsləri gücləndirmək üçün potensialın inkişafına dəstək göstərilməsi;
- Bölünmə xətləri boyunca tərəflərin birgə yaşayış şərtləri ilə bağlı problemlərinə həll tapmaq istiqamətində təmasların qurulması;
- Praktiki işlər və təchizat vasitəsilə strateji konflikt transformasiyası üzrə müdaxilələrinin müəyyən edilməsi və həyata keçirilməsi.