VCT Ölçü Meyarı, Şərq Tərəfdaşlığı ölkələrində vətəndaş cəmiyyəti təşkilatlarının (VCT) fəaliyyət göstərdiyi mühitin yaxşılaşdırılmasının monitorinqini aparır və təşviq edir. VCT Ölçü Meyarı, birləşmə və toplaşmaq azadlığından, maliyyələşməyə çıxış əldə etməkdə iştirak və şəxsi həyatın toxunulmazlığı hüququnadək vətəndaş cəmiyyətinə təsir edən əsas sahələrdə qanun və təcrübəni ölçür.

Daha sonra, bir sıra standart və göstəricilərə əsasən, ölkələrin hər sahə üzrə standart və meyarlara uyğunluğunu qiymətləndirir. VCT Ölçü Meyarının gücü, onun yüksək səviyyədə məsləhətləşmə və iş birliyi ilə ərsəyə gətirilməsindədir. Beləliklə, bu alət, ölkə kontekstində aktual olan məsələləri əhatə edən həqiqi yerli səylərin nəticəsidir. Növbəti illərdə bölgələr, ölkələr və illər arasında daha detallı bir müqayisəyə imkan verəcək bal qiymətləndirmə sistemli modeli ilə alət yenilənəcəkdir. Vətəndaş qruplarına təsirlərini qiymətləndirmək üçün alət Süni İntellekt (Sİ) və ya rəqəmsal texnologiyalar kimi yeni mövzuları da əhatə edəcəkdir. Strategiya mübadiləsi, monitorinq üçün VCT Ölçü Meyarından istifadə etmək və ölkələrində ictimai vəkillik məqsədilə alətin tapıntılarını tətbiq etmək üçün daha geniş VCT-ləri və aktivist qrupunu gücləndirməyə çalışırıq.

Layihənin ümumi məqsədi beynəlxalq standartları, ən yaxşı təcrübələri özündə cəmləşdirən və təşkilatların, fəalların və cəmiyyətin ehtiyaclarına və prioritetlərinə cavab verən vətəndaş cəmiyyəti üçün əlverişli bir mühitin monitorinqini və təşviqini dəstəkləməkdir.

Birinci xüsusi məqsəd, monitorinq alətindən, mübadilə strategiyasından və təcrübəsindən istifadə edə bilən və hər ölkədə və bölgədə VCT mühitinin yaxşılaşdırılmasını təşviq edə biləcək vətəndaş cəmiyyətini genişləndirmək və gücləndirməkdir.

İkinci xüsusi məqsəd, VCT-lərin fəaliyyət göstərdikləri mühitin vəziyyəti barədə müntəzəm olaraq aktiv monitorinqlər aparmaqla ortaya çıxan tendensiyaları müəyyənləşdirmək və beynəlxalq standartlara və milli reallıqlara söykənən həll yolları təklif etmələrinə dəstək verməkdir.

- Monitorinq alətini fəal şəkildə istifadə edən və vətəndaş cəmiyyəti mühitinin yaxşılaşdırılmasını müdafiə edən əsas VCT qrupu var. Alət, Şərq Tərəfdaşlığı ölkələri ilə AB siyasət dialoqu üçün mənalı qatqını təmin edə biləcək şəkildə formalaşdırılacaqdır.

-VCT-lər vətəndaş cəmiyyəti mühitini mütəmadi olaraq milli və regional səviyyədə izləyir, vaxtında və problemlərə aidiyyəti olan müsbət təcrübələrin, təhdidlərin və məhdudiyyətlərin müəyyənləşdirilməsinə kömək edən və monitorinq alətinə əsaslanan tapıntı və tövsiyələri dərc edirlər.