Vətəndaş cəmiyyəti 2030-cu il Gündəliyinin dəstəklənməsində təbliğat və planlaşdırmadan tutmuş icra, monitorinq və hesabatlılığa qədər bir sıra mühüm rollara sahibdir. Azərbaycanda 2030-cu il Gündəliyinə nail olmaq üçün ölkə tərəfindən həyata keçirilən fəaliyyətlərə vətəndaş cəmiyyətinin də daxil edilməsinin təşviqi məsələsində BMTİP və Avropa İttifaqı uzunmüddətli tərəfdaşlıq tarixinə malikdir. Bu layihədə Aİ Nümayəndəliyi və BMTİP potensialların gücləndirilməsi və vətəndaş cəmiyyətinin dayanıqlı inkişafda effektiv şəkildə iştirak etməsi üçün müstəvi və imkanlar yaratmaq üçün əməkdaşlıq edir.

MƏQSƏDLƏR

Bu layihə Azərbaycanda vətəndaş cəmiyyəti sektorunun inkişafını və böyüməsini sürətləndirmək üçün çoxölçülü tədbiri olaraq nəzərdə tutulub. Layihənin uzunmüddətli məqsədi Azərbaycanda fəal, davamlı və innovasiyaya əsaslanan vətəndaş cəmiyyəti üçün əlverişli mühitin yaradılmasına töhfə verməkdir. Xüsusilə, layihənin məqsədi: i) siyasətin hazırlanmasında vətəndaş cəmiyyəti təşkilatlarının bacarıqlarını gücləndirmək; ii) onların yerli inkişafda iştirakını dəstəkləmək; iii) sosial sahibkarlıq ekosisteminin inkişafı üçün siyasətləri təkmilləşdirmək və iv) sosial sahibkarlıq və innovasiyaların təşviqi üçün imkanlar təmin etmək. Layihə gender bərabərliyi və qadınların səlahiyyətlərinin artırılması, o cümlədən iqlim dəyişikliyi və COVID-19-dan sonrakı cavab tədbirləri kimi məsələlər üzrə fəaliyyət göstərir.

Layihənin məqsədlərinə aşağıdakı nəticələr vasitəsilə nail olunacaq:

1. VCT-lərin inkişaf məsələləri ilə bağlı siyasətlə məşğul olmaq imkanları gücləndirilir.
2. Regional VCT-lərin yerli inkişaf proseslərində iştirakı üçün lazimı potensialı qurulur.
3. Sosial sahibkarlığın başlaması və inkişafına dəstək üçün əlverişli ekosistem və səmərəli imkanlar təkmilləşdirilir.
4. Sosial Sahibkarlıq Platforması yaradılır və təşviq edilir.