İkinci EaPConnect layihəsi ilkin layihənin nailiyyətlərinə əsaslanaraq Aİ və Şərq Tərəfdaşlığı ölkələrindən olan tədqiqat və təhsil icmalarını bir araya gətirmək və rəqəmsal sahədə qeyri-bərabərliyi azaltmaq məqsədi daşıyır.
Layihə transsərhəd elmi mübadiləni gücləndirmək üçün şəbəkənin infrastrukturunu genişləndirəcək, EaPConnect çərçivəsində həyata keçirilən xidmətlərdən istifadəni artıracaq və elmi-tədqiqat sahəsində beynəlxalq əməkdaşlığı gücləndirmək üçün yeni xidmətlər təklif edəcək, eyni zamanda yerli elmi-tədqiqat ekosistemlərində ŞT (MTTŞ) milli tədqiqat və təhsil şəbəkələrinin mövqelərini gücləndirəcək və tədbirlər, təlimlər və digər təşəbbüslər vasitəsilə bilik, bacarıq və əməkdaşlıq əlaqələri yaradacaq.

- Tədqiqat və təhsil üzrə şəbəkə infrastrukturunu və xidmətləri, eləcə də rəqəmsal texnologiyalar sahəsində qeyri-bərabərsizliyi azaltmaqla onların ŞT ölkələri daxilində genişləndirilməsi.
- Layihə başa çatdıqdan sonra milli tədqiqat və təhsil ekosistemlərini və rəqəmsal proqramlarını dəstəkləməyə davam etmək üçün beynəlxalq şəbəkə bağlantısının və milli tədqiqat və təhsil icmaları şəbəkələrinin dayanıqlığının artırılması.
- Digər Avropa infrastrukturları və təşəbbüsləri ilə əlaqələrin qurulması.
- ŞT ölkələrindən olan tədqiqatçıların və təhsil işçilərinin Avropa təşəbbüsləri və layihələrində, eləcə də Avropadakı digər tədqiqat və təhsil icmalarında iştirak etmələri üçün beynəlxalq əməkdaşlıqlardakı iştirakının dəstəklənməsi.

- Tədqiqat və təhsil üçün ayrılmış yüksək ötürmə qabiliyyətinə malik şəbəkə infrastrukturunun əldə olunması və təmin olunması və onun ümumavropa GEANT şəbəkəsi ilə düzgün inteqrasiyasının təmin olunması.
- Tədqiqat və təhsil icmalarının resurslara çıxış imkanı və birlikdə işləmələri üçün onların ehtiyaclarını qarşılayacaq GEANT şəbəkəsinin üstün xüsusiyyətlərindən yararlanmaq və digər xidmətlərin təmin edilməsi.
- Benefisiar tərəfdaşların davamlılığını və onların layihə hədəflərinə çatmaq bacarıqlarını dəstəkləyən bilik və münasibətləri inkişaf etdirmək üçün təlimlərə, seminarlara və mentorluq proqramlarına çıxış imkanın təmin edilməsi.
- Layihənin, tərəfdaşların, müxtəlif maraqlı tərəflər arasındakı nailiyyətlərin və üstünlüklərin daha böyük kütləyə çatdırılması, o cümlədən məlumat mübadiləsi və insanlar arasında əlaqələrin qurulması üçün konfransların, istifadəçi icmaları ilə görüşlərin və digər tədbirlərin təşkili.