Lənkəranda Avropa İttifaqının EU4Lankaran proqramının yekun tədbiri keçirildi

19 dekabr tarixində Lənkəranda Avropa İttifaqının #EU4Lankaran proqramının yekun tədbiri keçirildi. Tədbir zamanı:

• Lənkəran-Astara iqtisadi regionunda həyata keçirilmiş iki layihənin nəticələri təqdim olundu;
• Meyvə-tərəvəz sektorunda kartof, çiyələk, alma, pomidor, limon və mandarin məhsulları üzrə yaradılmış yeddi yeni brendə start verildi;
• www.region-lankaran.az veb-saytı istifadəyə verildi;
• Fəal iştirakçılar sertifikatlarla təltif olundu və fermerlərə iri və kiçik həcmli istehsal avadanlıqları verildi.

#EU4Lankaran proqramında əldə edilmiş nəticələr arasında aşağıdakılar da vardır:

* 15 kiçik və orta miqyaslı birgə təşəbbüsün yaradılmasına dəstək göstərilib;

* 2500+ şəxs məsləhətləşmələrdən, görüşlərdən, təlimlərdən və təsərrüfat səfərlərindən faydalanıb;

* Agrinnovation üzrə Ideathon qaliblərinə 59,739.62 Avro dəyərində texniki yardım göstərilib;

* İtaliya, Xorvatiya və Türkiyəyə tədris səfərləri təşkil edilib;

* 6,128 fermer və 21 emalçının məlumat bazası yaradılıb;

* 28 birgə təşəbbüsə 3,046,117.80 Avro dəyərində texniki yardım ayrılıb.