„Azərbaycanda təhsilin doktorantura səviyyəsində keyfiyyət təminatı və elmi müəssisələrin akkreditasiya prosesinin gücləndirilməsi“ layihəsi çərçivəsində təlim keçirilmişdir

27-28 oktyabr 2021-ci il tarixində Avropa İttifaqının maliyyələşdirdiyi Azərbaycan Respublikasının Prezidenti yanında Ali Attestasiya Komissiyasının əsas benefisiar olduğu “Azərbaycanda təhsilin doktorantura səviyyəsində keyfiyyət təminatı və elmi müəssisələrin akkreditasiya prosesinin gücləndirilməsi“ layihəsi çərçivəsində akkreditasiya qaydalarının pilot sınağı üçün təlim keçirilib. Layihə „IBF International Consulting“ şirkətinin rəhbərlik etdiyi konsorsium tərəfindən həyata keçirilir.

Layihənin məqsədi Avropanın qabaqcıl təcrübəsinə uyğun olaraq təhsilin doktorantura səviyyəsində daxili və xarici keyfiyyət təminatı prosesinin qurulması və elmi müəssisələrin akkreditasiyası üzrə yeni mexanizmlərin tətbiqini təşkil etməkdir. Bu məqsəd çərçivəsində keyfiyyət təminatı və akkreditasiya ilə bağlı qaydaların hazırlanması, kadrların bacarıqlarının artırılması və akkreditasiya prosesinin rəqəmsallaşdırılması nəzərdə tutulur.

Təlimdə Ali Akkreditasiya Komissiyasının, Təhsil Nazirliyinin Təhsil İnstitutunun, Kənd Təsərrüfatı Nazirliyinin Tərəvəzçilik İnstitutunun və Azərbaycan Milli Elmlər Akademiyasının Geologiya və Geofizika İnstitutunun əməkdaşları iştirak edib.

27-28 oktyabr tarixlərində keçirilən təlimdə elmi müəssisələrin (təşkilatların) akkrediyasiyası standartları, prosedurları, akkreditasiya iştirakçılarının rolları və prosedurların həyata keçirilməsi vaxtı qabaqcıl təcrübədən istifadə mövzuları əhatə olunub.