Transfer qiymətlərinin müəyyən edilməsi və vergidən yayınma hallarına qarşı tədbirlərin işlənib hazırlanmasında Azərbaycan Respublikası Vergilər Nazirliyinə dəstək

Təsvir
Yunanıstan Respublikası ilə Azərbaycan Respublikası arasında imzalanmış müqaviləyə əsasən, 17 yanvar 2018-ci il tarixdə başlamış və 28 ay davam etmiş "Transfer qiymətlərinin müəyyən edilməsi və vergidən yayınma hallarına qarşı tədbirlərin işlənib hazırlanmasında Azərbaycan Respublikası Vergilər Nazirliyinə Dəstək" Tvinninq layihəsi Avropa İttifaqı tərəfindən maliyyələşdirilərək 2020-ci il 17 may tarixində başa çatıb. Layihə Azərbaycan Respublikası İqtisadiyyat Nazirliyi yanında Dövlət Vergi Xidməti, Yunanıstan Respublikasının Dövlət Gəlirləri üzrə Müstəqil Orqanı, həmçinin Beynəlxalq və Avropa İqtisadi Hüquq Mərkəzi (CIEEL) tərəfindən həyata keçirilib. Layihənin məqsədi transfer dəyəri üzrə qanunvericiliyin və transfer qiymətləri üzrə auditin tətbiqi və həyata keçirilməsində, eləcə də transfer qiymətləri haqqında qanunvericiliyin Avropa standartlarına uyğunlaşdırılması və qabaqcıl praktikaya əsaslanan audit prosesləri üçün resursların yaradılmasında Azərbaycan Respublikası İqtisadiyyat Nazirliyi yanında Dövlət Vergi Xidmətinə dəstək göstərməkdən ibarət olub.
Konkret məqsədi
Transfer dəyəri üzrə qanunvericiliyin Avropa İttifaqı standartlarına uyğunlaşdırılması və audit prosesləri üçün effektiv resursların yaradılması məqsədilə Azərbaycan Respublikası Vergilər Nazirliyinə dəstək verilməsi nəzərdə tutulub.
Gözlənilən nəticələr
- Transfer dəyəri üzrə qanunvericiliyinin Avropa İttifaqı standartlarına uyğun hazırlanması;
- Transfer qiymətləndirməsi sahəsində “Qiymətlərin əvvəlcədən müəyyən edilməsi” və "Qarşılıqlı Razılaşma Prosedurları" sisteminin hazırlanması;
- Avropa İttifaqı standartlarına uyğun olaraq transfer qiymətləndirməsinin tənzimlənməsi sahəsində inzibati nəzarət mexanizmlərinin yaradılması və bu sahədə Vergilər Nazirliyinin institusional potensialının artırılması.
Layihə sənədləri
Layihə xəritəsi
Foto qalereya
PROJƏ ƏTRAFLI MƏLUMAT
Azərbaycan
Prioritet sahə:
Qoruyan tərəfdaşlıq
Alt sektor:
Dövlət idarəçiliyi və dövlət administrasiyası
Mövzular:
Səmərəli idarəçilik
Layihə Vəziyyəti:
Tamamlandı
Başlama tarixi:
17.01.2018
Bitmə tarixi:
17.05.2020
İcraçı Təşkilat:
Independent authority for Public Revenue, Centre of International and European Economic Law (CIEEL)
Aİ-nin maliyyə dəstəyi (avro ilə):
€1 200 000
AB Layihə nömrəsi:
392-691
Bu səhifədə verilən məlumat Məsuliyyətdən imtina və Şəxsi məlumatların qoruması ilə tənzimlənir. © Avropa İttifaqı 2021