Avropa İttifaqının maliyyələşdirdiyi Avrasiya Əməkdaşlıq Fondunun Konstitutsiya Araşdırmalar Fondu ilə birlikdə həyata keçirdiyi layihənin məqsədi Azərbaycanın cənub bölgələrindəki kənd ev təsərrüfatlarının gəlirlərini artırmağa və Azərbaycanın şəhər və kənd əhalisi arasında əlaqəni gücləndirməyə yardım edəcək davamlı aqrar turizm/ekoturizmin inkişaf mexanizmini yaratmaq və sınaqdan keçirməkdir. Layihə kiçik və orta həcmli təsərrüfatların kənd təsərrüfatı məhsulları ilə turizmi ekoturizm strategiyasına necə birləşdirə biləcəyini araşdıran konseptual çərçivəni təbliğ edir.

- Yerli, regional və milli dövlət və özəl aqrar turizm/ekoturizmlə əlaqəli tərəfdaşlar arasında əməkdaşlığı inkişaf etdirmək və Azərbaycanın aqrar turizm/ekoturizm sektorunun inkişafına strateji və əməkdaşlıq yanaşmasını təşviq etmək;
- Dövlət və özəl sektorlarda aqrar turizm/ekoturizmlə əlaqəli tərəflərin və biznes məsləhət xidmətləri təminatçılarının potensialını gücləndirmək;
- İnvestisiya və istehlakçı təhsili sayəsində Azərbaycanın cənubunda aqrar turizm/ekoturizm istiqamətlərinin ölkə daxilində və xarici auditoriyalarda diqqət cəlb etməsini və yayılmasını artırmaq.

- Strateji planlaşdırma sahəsində yerli özəl qurumların və dövlətin təkmilləşdirilmiş təcrübəsi; kənd təsərrüfatı məhsullarının istehsalı və turizm sahəsindəki özəl və ictimai tərəflər arasında davamlı dialoq; yüksək keyfiyyətli dayanıqlı aqrar turizm/ekoturizm strategiyaları;
- Özəl aqrar turizm/ekoturizm tərəfdaşları arasında məlumat və biznes hesabatı xidmətlərinə çıxış; yerli aqrar turizm/ekoturizm tərəfdaşlarının inkişaf etdirilmiş potensialı; yerli aqrar turizm/ekoturizm sahəsində yeni məkanların yaradılması/mövcud olanların təkmilləşdirilməsi;
- Layihə bölgələrində Turizm Məkanları (TM) haqqında həcm və keyfiyyətcə yaxşılaşdırılmış məlumat; aqrar turizm/ekoturizm təklifləri haqqında ümumi məlumatlılıq.