EU Project page - EU for Azerbaijan

Cənubi Qafqazda gender əsaslı cins seçimi və aidiyyatı zərərli təcrübələrin aradan qaldırılması

Təsvir

Oğlan uşağına verilən üstünlük və Gender Əsaslı Cins Seçiminə ünvanlanan Qlobal Proqram Avropa İttifaqı, Norveç İnkişaf Əməkdaşlıq Agentliyi (SİDA) Birləşmiş Millətlər Təşkilatının Əhali Fondunun (UNFPA) maliyyə dəstəyi ilə həyata keçirilən geniş, müxtəlif ölkələri əhatə edən və Gender Əsaslı Cins Seçiminin aradan qaldırılması məqsədi ilə tərtib edilmiş proqramdır. Cənubi Qafqazda proqram BMT-nin Əhali Fondu (UNFPA) tərəfindən Ermənistan, Azərbaycan və Gürcüstanda, dövlət qurumları, akademik və tədqiqat institutları, xidmət təchizatçıları, vətəndaş cəmiyyəti və icmalar ilə əməkdaşlıq çərçivəsində həyata keçirilir. Proqram müdaxilələri Gender Əsaslı Cins Seçiminə töhfə verən amillər və bunun nəticələri barədə ümumi biliklərin artırılmasına, qadınlara qarşı ayrıseçkilik və qız uşaqlarına daha az dəyər aşılayan sosial normaların aradan qaldırılmasına yönəlmişdir. Qadınların və qızların cəmiyyətdə ümumi dəyərini gücləndirərək, gender transformativ nəticələrin tətbiqi ilə, proqram SDG5 (Dayanıqlı İnkişaf Məqsədləri-5) nailiyyətlərinə töhfə verir.

Konkret məqsədi

- Qızların dəyərini artırmaq;
- Seçilmiş ölkələrdə doğum zamanı cins nisbətini yaxşılaşdırmaq.

Gözlənilən nəticələr

- Koordinasiya və nəzarətin idarə edilməsinin gücləndirilməsi.
- Cinsi seçiminin əsasını təşkil edən kontekstual reallıqları və onun digər zərərli təcrübələrlə əlaqəsinin araşdırılması.
- Dəyişiklikləri və inkişaf etdirilmiş və istifadə edilən müdaxilələrin təsirini izləmək üçün göstəricilər.
- Qıza dəyər vermək ideyasına əsaslanan təkmilləşdirilmiş sosial və mədəni davranış nümunələri.
- Cins seçimi ilə bağlı siyasət və proqramların təbliği, inkişafı, həyata keçirilməsi və monitorinqi və qiymətləndirilməsi üçün çoxtərəfli və çoxsektorlu milli və regional potensialın gücləndirilməsi.